Prospektus 1. Visie
1. VISIE VAN DIE OAER Die Onafhanklike Afrikaanse Eksamenraad (OAER) streef daarna om die onbetwiste leier in die lewering van eksamendienste aan skole in Suid-Afrika te wees. 2. MISSIE VAN DIE OAER Die Onafhanklike Afrikaanse Eksamenraad (OAER) se taak is om aan sy kliënte ‘n uitnemende eksamendiens te verskaf deur:
Die doel en die hoofbesigheid van die OAER is vervat in die Akte van Oprigting van die Maatskappy wat soos volg lees: “Om deur die medium Afrikaans, eksamen, assessering, akkreditering en sertifisering, basiese en verdere onderwys en opleiding van die hoogste standaard en integriteit, gegrond op ‘n Calvinisties gereformeerde lewens-, wêreld- en Afrikaner-kultuurbeskouing beskikbaar te stel aan enige kandidaat wat deur medium van Afrikaans geëksamineer en geassesseer wil word en om aldus enige kandidaat vir taalvaardigheid in enige ander bykomstige tale ook te eksamineer en te assesseer.” Die hoofdoelstelling van die OAER (Maatskappy) is om die doel wat die hoofbesigheid beskryf, soos hierbo uiteengesit, te bevorder. Aanvullende doelstellings:
Die wortels van die OAER is ingebed binne die Beweging vir Christelike Volkseie Onderrig (BCVO). Die BCVO het 'n eksamenraad tot stand gebring met die doel om 'n selfstandige Nasionale Senior Sertifikaat-eksamen af te neem waar CVO norme gerespekteer word. In 1996 word die BCVO eksamenraad amptelik erken as eksamineringsliggaam deur die SA-Sertifiseringsraad (SAFSERT). 5. WATTER DIENS LEWER DIE OAER? Die OAER stel eksaminatore en interne moderatore aan om vraestelle op te stel. Daar word van eksaminatore verwag om die etos van die OAER, soos in die akte van oprigting te verwoord, in die vraestelle te weerspieël. Die hele proses van opstel, interne en eksterne moderering, druk en verspreiding van vraestelle word sorgvuldig bestuur om die standaard, kwaliteit en integriteit van die vraestelle te verseker. Die OAER keur en registreer kandidate wat die Nasionale Seniorsertifikaat-eksamen deur OAER wil aflê. Waar nodig moet toelatingstoetse afgelê word, voordat registrasie kan plaasvind. Bewys van die werk wat geëvalueer is vir die samestelling van jaarpunte moet deur die jaar op vooraf bepaalde datums voorgelê word vir moderering. Alle vraestelle word gemerk by 'n nasiensentrum onder toesig van die OAER. Riglyne word noukeurig toegepas om die akkuraatheid, eenvormigheid en korrektheid van die nasienproses te verseker. OAER maak voorsiening vir die hernasien van vraestelle onder sekere omstandighede. Alle punte, jaarpunte en eksamenpunte, word by die OAER kantore verwerk volgens neergelegde voorskrifte. OAER uitslae word gelyktydig met ander eksamen instansies bekend gemaak op 'n datum soos deur die Minister van Onderwys bepaal. 6. KANTOOR ORGANISASIE Die OAER word deur ‘n Hoof Uitvoerende beampte (kantoorhoof) bestuur. Die Eksamenhoof word deur ‘n Eksamenkoördineerder bygestaan. Administratiewe personeel hanteer al die administrasie en vaslegging van punte. ‘n Ontwikkelingsbestuurder is verantwoordelik vir die bemarking en skakeling van die OAER. ‘n Persoon met finansiële agtergrond en ondervinding hanteer die OAER se finansies. 7. FINANSIES Die OAER is 'n artikel 21 maatskappy en lewer dus dienste teen koste sonder winsbejag. Enige surplusse in 'n jaar word terug geploeg in die maatskappy. 8. AANSOEKE Alle aansoeke moet deur middel van ‘n amptelike aansoek op ‘n voorgeskrewe aansoekvorm geskied. Suksesvolle aansoekers sluit ‘n ooreenkoms met die OAER. Alle aansoeke is onderhewig aan die goedkeuring van die Eksamenhoof. Toelating kan onderhewig wees aan die slaag van ‘n toelatingseksamen. Enige persoon kan aansoek doen om die OAER eksamen af te lê, maar moet kennis neem dat:
9. KONTAK ONS! Fisiese adres: Posadres: Tel: 012 365 3703
|
|||||||||||||||||||||
